Fyrste møte i nytt brukarutval ved AiR - Klinikk

 

Utvalet består av 3 medlemmer, derav 2 som er formelt valt av tidlegare brukarar. Eit medlem og eit varamedlem blir oppnemnd av Funksjonshemmedes Fellesorganisasjon (FFO). Kari Nystog, Alf Jul Jakobsen og Ola Vea Gustavsen (FFO) var til stades på det historiske møtet, i lag med direktør Svein Kostveit og leiar for klinikk Jon Hovda.

AiR sin grunnfilosofi byggjer i stor grad på at brukarane skal stå i sentrum, og det er derfor viktig at deira stemme også blir høyrt i styret og administrasjonen. I tilegg til å vera eit rådgjevande organ i saker som angår tilbodet til brukarane, skal utvalet bl.a. bidra i planprosessar, ta initiativ til å fremme saker av betyding for brukarane, uttale seg i styresaker, og bidra til brukarmedvirkning i prosjekt.

- Etablering av brukarutval i klinikken vår er eit nytt og viktig steg i å vidareutvikle tenestetilbodet i eit brukarperspektivet, seier direktør Svein Kostveit.

Ferske medlemmar i Brukarutvalet, frå venstre Ola Vea Gustavsen, Alf Jul Jakobsen og Kari Nystog.